سعودی عرب پر حوثی باغیوں کے دہشت گرد حملے میں بچوں سمیت 3 زخمی
ریاض: سعودی عرب کے سرحدی علاقے جزان کے گاؤں پر یمن سے حوثی باغیوں نے میزائل حملہ کیا جس کے نتیجے میں 2 بچوں سمیت 3 افراد زخمی ہوگئے۔
سعودی شہری دفاع کے مطابق حملے میں ایک گاڑی تباہ اور 3 شہری زخمی ہوئے جنہیں اسپتال منتقل کرکے طبی امداد فراہم کی گئی جہاں ایک زخمی کی حالت تشویش ناک بتائی جارہی ہے۔
پاکستان نے حوثی عسکریت پسندوں کے سعودی عرب کے سرحدی علاقہ جزان کے گاؤں پر دہشت گرد حملے کی شدید مذمت کی ہے۔ ترجمان دفترخارجہ کا کہنا ہے کہ پاکستان سعودی عرب کی سلامتی اور علاقائی تحفظ کی تجدید کرتا ہے۔
واضح رہے کہ 2014 کے اواخر میں یمن میں حوثی باغیوں نے حکومت کا تختہ الٹ کر اقتدار پر قبضہ کرلیا تھا جس کے بعد سعودی عرب کی زیر قیادت فوجی اتحاد نے یمن میں حوثیوں کے خلاف فوجی آپریشن شروع کیا